Pa pikë kah fundi, Prishtina mposht Prizrenin

7 pikë në 2 minutat e fundit nga të dyja ekipet, ndërsa mossaktësia “dënoi” Prizrenin, kurse Prishtina mori fitoren e pestë me radhë në Superligë duke fituar ndeshjen ngushtë 74-71.

Kur kishin mbetur edhe 2.31 minuta deri në fund të ndeshjes, Arti Hajdari me treshe i kishte dhënë epërsi Prizrenit 66-69. Henrik Sirko u kundërpërgjigj me dy treshe dhe Prishtina rimori epërsinë 72-69 kur kishin mbetur edhe 1.42 minuta deri në fund të ndeshjes!

Dy pikë andej dhe dy pikë këndej në sulmet e radhës çuan rezultatin në 74-71 46 sekonda para fundit, ndërsa krejt në fund Isaiah Kelly nuk dha asnjë nga gjuajtjet e lira, kurse topin e kapur në sulm, Hajdari nuk arriti ta konkretizojë për tre pikë dhe kështu bardhekaltërit vendas triumfuan.

TABELA AKTUALE

Malcolm Armstead ka qenë më efikasi te Prishtina duke shënuar 21 pikë dhe 7 asistime, ndërsa me 16 pikë e 6 kërcime u dallua Fisnik Rugova. 12 të tjera dha Henrik Sirko, të gjitha treshe, ndërsa shutoi 4/9 për tri pikë.

Isaiah Kelly me 30 pikë e 16 kërcime dhe Arti Hajdari me 13 pikë e 5 kërcime nuk mjaftuan për të bërë befasinë në kryeqytet për prizrenasit.

Fitorja, bën që Prishtina tash të ketë bilanc 10-5, ndërsa Prizreni 5-10.