Pa telashe ndaj Kastriotit

Marin Dokuzovski, trajneri i ri i Sigal Prishtinës, me siguri se nuk ka pasur dilema lidhur me fituesin e ndeshjes së sontme, në përballje me Kastriotin. 

Nxënësit e tij kanë arritur fitore komode ndaj skuadrës së fundit në tabelë të klasifikimit duke i mposhtur lehtë dhe në mënyrë rutinore - derisa vetë Dokuzovski vazhdon të hapërojë vetëm me fitore dhe ende nuk ka shijuar asnjë humbje me ekipin e tij. 

Sigal Prishtina ka filluar furishëm takimin në Bill Clinton të Ferizajit, duke përfunduar çerekun e parë 17-29. 

Këtë ritëm ata e vazhduan edhe gjatë gjithë ndeshjes derisa në fund arritën fitore me 35 pikë epërsi, për të përmirësuar koshaverazhin edhe më. 

Ajo çka vlen të përmendet nga kjo ndeshje është se Granit Rugova iu kthye parketit pas lëndimit të gjatë. Ai luajti fiks 10 minuta dhe për këtë kohë shënoi 8 pikë, 4 asistime dhe 5 kërcime. 

Gjithashtu, për herë të parë fitoi minutazhë edhe Urim Zenelaj - gjithashtu 10 minuta. Zenelaj shënoi 2 pikë dhe 5 kërcime në dhjetëminutëshin e tij të dhënë nga Dokuzovski. 

Sa i përkët më të dalluarit të ndeshjes, ai ka qenë Alban Veseli - që për 20 minuta të kaluara në parket ka shënuar 26 pikë, para Aurimas Kiezas që poentoi 21 herë dhe për një kërcim nuk e arriti double-doublein e tij sonte. 

Rezultatet dhe tabela aktuale. 

Statistikat ekipore

	Kastrioti	Sigal Prishtina
Çereku i parë	17	29
Çereku i dytë	17	24
Çereku i tretë	12	22
Çereku i katërt	18	24
Kërcime	28	39
Asistime	24	32
Tentime për tre pikë	1/16	12/35
Tentime nga loja	22/60	41/68
Tentime nga gjuajtjet e lira	19/24	5/13

Statistikat individuale te Kastrioti

1	Bryce Cartwright	22 pikë	5 asistime	2 kërcime
2	Kreshnik Juniku	17 pikë	4 kërcime	1 asistim
3	Kenneth Cooper	16 pikë	12 kërcime	1 asistim
4	Kushtrim Hyda	5 pikë	2 asistime
5	Fisnik Juniku	2 pikë	9 asistime	3 kërcime
6	Gent Shabani	2 pikë	6 kërcime	6 asistime

Statistikat individuale te Sigal Prishtina

1	Alban Veseli	26 pikë	1 kërcim	1 asistim
2	Aurimas Kieza	21 pikë	9 kërcime	5 asistime
3	Blerim Mazreku	12 pikë	6 kërcime	2 asistime
4	Dardan Berisha	11 pikë	6 kërcime	9 asistime
5	Tay Waller	8 pikë	4 kërcime	4 asistime
6	Muhamed Hasani	7 pikë	4 asistime	2 kërcime
7	Kendrick Jones	7 pikë	1 asistim
8	Lorik Kllokoqi	4 pikë	2 asistime	1 kërcim
9	Urim Zenelaj	2 pikë	5 kërcime
10	Granit Rugova	1 pikë	5 kërcime	4 asistime