24 HUMBJE RRESHT
Philadelphia “24”-ers
23 March, 2014 @11:49
Seria e humbjeve të skuadrës Philadelphia 76ers, nuk po ndalet assesi. Që në 24 ndeshje, ata fitoren janë duke e parë, vetëm nga kundërshtarët, të cilët nuk po kanë mëshirë ndaj Phillyt.
Edhe në ndeshjen kundër Chicago Bulls, ata nuk arritën ta përfundojnë serinë e zezë, duke u mposhtur me rezultat 91-81.
Rekordi i NBA-së, është me 26 humbje radhazi, ndërsa Philadelphia është shumë afër që të barazohet me këtë rekord, ngase dy ndeshjet e radhës do të luaj kundër San Antonios dhe Houstonit, të cilët janë në Top formë.
Mbetet të shihet se kur do të përfundojë kjo seri e zezë e ekipit të udhëhequr nga Brett Brown.
