Peja e nis me humbje fazën e dytë

Ekipi i vetëm shqiptar që ka arritur të mbijetojë në Ligën Ballkanike, Peja, nuk e ka filluar mirë fazën e dytë.

Verdhezinjtë sot u mposht nga rivali malazias, Teodo, me rezultat të thellë 104-84.

Ndeshja filloi me serinë 6-0 të Teodos, e cila qysh nga fillimi tregoi fitorja do të mbetet me çdo kusht në Tivat. Madje malaziasit që në çerekun e parë krijuan epërsi me 20 pikë dallim, 30-10, e që më pas për Pejën ishte e pamundur rikthimi në rezultat.

Në fakt, kur kishin mbetur edhe 7 minuta e gjysmë deri në fund të takimit, Peja arriti ta zvogëlojë disavantazhin në pikë njëshifrore (87-78) me anë të Mirza Ahmetbasicit, gjë që filloi të krijojë entuziazëm në bankën verdhezi, por kjo ishte e tëra, pasi që më pas vendasit u shkëputën në rezultat për ta pritur fundin e ndeshjes të qetë.

Alban Veseli ishte koshashënuesi më i mirë te Peja me 19 pikë, një më shumë se amerikani Noah Dahlman.

Në anën tjetër, te Teodo u dallua Petar Kusovic që luajti me 20 pikë, 8 kërcime dhe 4 asistime.

TABELA AKTUALE

Me këtë rezultat, tani Peja dhe Teodo kanë pikë të njëjta në grup. Ndeshjen e ardhshme Peja e luan në shtëpi ndaj Kumanovës.

Teodo Tivat

Peja