PEJA - TREPÇA
TOPSPORTI / Arian Paçarizi
Peja mbetet e pamposhtur, fiton derbin ndaj Trepçës
12 October, 2023 @20:23
Skuadra e Pejës ka shënuar fitore në derbin kundër Trepçës me rezultat 92-80 dhe mbetet skuadra e vetme e pamposhtur në Superligë.
Peja gjatë gjithë ndeshjes ishte në epërsi dhe ariti një fitore më të lehtë se sa që është pritur.
John Chandler ishte i pakapshëm me 39 pikë te Peja, derisa u ndihmua edhe nga Jacob Calloway me 13 pikë dhe Arian Qallaku me 11 pikë të tjera.
Te Trepça Cevin Bracy-Davis luajti me 28 pikë por nuk mjaftoi për fitore.
Vlen të ceket se në çerekun e tretë është zbrazur salla, derisa pas një pushimi ka vazhduar ndeshja dhe përfundoi me fitoren e Pejës.
Me këtë fitore Peja mbetet skuadra e pamposhtur me 3-0, kurse kjo ishte humbja e parë për skuadrën mitrovicase.
Në xhiron tjetër Peja takohet me Yllin, kurse Trepça e pret Vëllaznimin.
