Peja s’djersitet për finale

Skuadra e Pejës është finalistja e parë e Kupës së Kosovës në basketboll.

Ekipi verdhezi e mposhti me rezultat të thellë Trepçën, në ndeshjen e parë gjysmëfinale të Final Four-it të Kupës që u zhvillua në Pallatin e Rinisë dhe të Sporteve në Prishtinë.

Trepça gjatë pjesës së parë ishte paksa më rivalizuese ndaj Pejës, ndërsa gjatë kësaj periudhe ra në sy numri i madh i gjuajtjeve të lira, derisa loja ishte e ngadaltë dhe monotone.

Me të filluar çereku i tretë, u rrit edhe shpejtësia e lojës, por kjo vetëm nga ana e ekipit pejan. Kjo ndikoi që Peja të krijojë seri prej 12-0 në 2 minutat e para të këtij çereku, ndërsa në vijim vazhdimisht rritej epërsia e pejanëve, me ç‘rast edhe fundi i takimit ishte i qetë për ekipin e Branimir Pavicit.

Ish basketbollisti i Trepçës, Drilon Hajrizi, ishte koshashënuesi më i mirë në anën e Pejës me 20 pikë të shënuara, ndërsa tek mitrovicasit më i dalluari ishte Vladin Jocovic me 16 pikë e 6 kërcime.

Peja, në finale e saj të dytë rresht, do ta pret fituesin e duelit Sigal Prishtina - Bashkimi.

Statistikat ekipore

Statistikat individuale te Peja

Statistikat individuale te Trepça