Të gjitha lajmet

MATCH REPORT: PEJA-RAHOVECI

Peja tregon forcën në çerekun e fundit

Pamje nga perballja e muajit shkurt mes Rahovecit dhe Pejes/TOPSPORTI/ A. P.

Peja tregon forcën në çerekun e fundit


31 October, 2020 @20:42

Ekipi i Pejës ka treguar forcën në çerekun e fundit të ndeshjes ndaj Rahovecit, për t’i mposhtur ata me 20 pikë dallim.

Në përballjen e sontme të zhvilluar në Karagaç, verdhezinjtë kanë arritur t’i mposhtin mysafirët nga Rahoveci me rezultat 84-64 [24-23, 22-16, 14-14 dhe 24-11].

Reprezentuesi Drilon Hajrizi ka vazhduar formën e mirë të tij që nga ndeshja e parë e stinorit. Mitrovicasi ka shënuar 28 pikë në fitoren e shqiponjave të Karagaçit, ndërsa ka shënuar 4 nga 6 tentimet e tij për tri pikë sonte, duke regjistruar edhe 9 kërcime e 2 asistime në proces.

Me 19 pikë në fitoren e Pejës ka kontribuar edhe basketbollisti më i mirë kosovar Dardan Berisha, që këto ditë ka snajperin jo në nivel, pasi që shutoi 7/1 për tri pikë. Por, Dardani regjistroi 6 asistime e 8 kërcime në ndeshje për të kompletuar lojën e tij të mirë.

Debutuesi për verdhezinjtë Marko Perovic luajti me 11 pikë.

TABELA AKTUALE

Te Rahoveci performanca e të huajve Marvin Jones e Isaiah Taylor nuk mjaftoi për të bërë më shumë në Karagaç. I pari dha 27 pikë, ndërsa i dyti 25, duke qenë të vetmit që shënuan pikë dyshifrore për ekipin, kurse nga banka e ekipit mungoi ndihma.

Rezervat e vreshtarëve nuk shënuan asnjë pikë sonte. Bujar Loci u dha rastin në total prej 25 minutave treshes Fisnik Juniku, Bardh Rexha e Sami Hajzeri - por pikë nuk erdhën nga asnjëri.

Me këtë, Peja del në krye të klasifikimit me 2 fitore nga 2 ndeshje të zhvilluara, kurse Rahoveci pas fitores në xhiron e parë të stinorit ndaj Vëllaznimit, është njoftuar edhe me humbje që në ndeshjen e parë si mysafir.

FIFA CLUB WORLD CUP 2020

Caktohet kundërshtari i Bayernit në Kampionatin Botëror të Klubeve

19 January, 2021 @23:32

Kampionati Botëror i Klubeve 2020, do të mbahet në Katar. Pas shortit të hedhur, në raundin e dytë do të…

LEICESTER - CHELSEA

Leicester përkohësisht lider në Premier League

FOTO / Premier League

19 January, 2021 @23:07

Leicester City, duke e mposhtur Chelsean me rezultat 2-0, ngritet në pozitën e parë në Premier League. Ish-kampionët e Anglisë,…

ARBËRIA

Arbëria mposhtet në miqësoren ndaj Akhmat

FOTO / Arbëria

19 January, 2021 @22:54

Skuadra e Arbërisë u mposhtë nga skuadra ruse Akhmat me rezultat 3-1. Kjo ndeshje është luajtur në sistemin prej 3…

PRISHTINA

Prishtina me 3 miqësore pas Superkupës

FOTO / Prishtina

19 January, 2021 @20:34

Prishtina do të ndeshet me Dritën më 23 janar në kuadër të Superkupës së Kosovës. Më pas skuadra e Prishtinës…

PRISHTINA

Oto John dhe Mankenda nuk udhëtuan me Prishtinën

19 January, 2021 @20:30

Prishtina sot ka mbërritur në Antalya për fazën përgatitore. Te Prishtina nuk udhëtuan Oto John dhe Gauthier Mankenda për shkak…

Të gjitha lajmet nga