PENZA (F) - KASTRIOTI (F)
Penza regjistron fitoren e dhjetë
14 March, 2020 @0:45
Skuadra e Penzës, duke e mposhtur Kastriotin me rezultat 71-43, regjistroi fitoren e 10 të stinorit.
Valbona Bytyqi dhe Elizateba Atashi me nga 14 pikë, ishin më të dalluarat te skuadra pejane, derisa u ndihmuan edhe nga Melita Luci 13 pikë të tjera.
Te Kastrioti e vetmja me pikë dyshifrore ishte Agnesa Rrahmani. Ajo luajti me 26 pikë, por nuk mjaftoi për fitore.
Penza u bë skuadra e parë sivjet që e kaloi cakun e 1000 pikëve të shënuara dhe të pësuara në të njejtën kohë në Ligën e Femrave.
Skuadra pejane gjendet në pozitën e tretë me 10 fitore e 6 humbje, kurse Kastrioti me 2 fitore e 14 humbje.
Ndeshjet tjera nuk do të luhen këto ditë për shkak të pezullimit të të gjitha aktiviteteve sportive nga Qeveria e Kosovës, për shkak të rrezikshmërisë së përhjapjes së coronavirusit.
