PENZA (F) - TREPÇA (F)
Penza triumfon ndaj Trepçës, ngritet në renditje
20 November, 2020 @16:21
Vashat e Penzës e mposhtën Trepçën me rezultat 57-43.
Duke pësuar vetëm 9 pikë në çerekun e parë, Penza e bëri dallimin dhe më pas nuk e lëshoi epërsinë dhe e regjistroi fitoren e dytë të stinorit.
Valbona Bytyqi dhe Ermelinda Gjuka ishin të vetmet me pikë dyshifrore te Penza. Bytyqi luajti me 15 pikë, 8 asistime e 4 kërcime, ndërsa Gjuka me 15 pikë e 5 kërcime.
Te Trepça u dalluan Lorena Haxha me 14 pikë, 6 kërcime, 4 asistime e 3 topa të rrëmbyer dhe Arta Mustafa me 10 pikë të tjera.
Penza me një ndeshje më pak, me 2 fitore e 2 humbje gjendet në pozitën e tretë, kurse Trepça me 1 fitore e 4 humbje aktualisht gjendet në pozitën e katërt.
Në xhiron tjetër Penza takohet me Bashkimin, derisa Trepça me Prishtinën.