Popovic mbyll dramën, e treta radhazi për Bashkimin

Ashtu sikurse ndeshja e parë e luajtur në Prizren, edhe ndeshja e luajtur sonte në Maqedoni mes Kumanovos e Bashkimit ishte shumë e ngushtë dhe fituesi nuk dihej deri në fund. Për më tepër, fituesi u desh të përcaktohej pas vazhdimeve, me Kejuan Johnsonin e Bashkimit që e ‘shtyu’ ndeshjen me shënimin jashtë vijës 7.25 pak sekonda para fundit.

E pas vazhdimeve, më e suksesshme u tregua skuadra e Bashkimit, e cila fitoren e arriti me një ‘jump-shot’ të Marko Popovicit në sekondën e fundit të takimit, për ta shënuar kështu fitoren e tretë radhazi.

Çereku i parë ishte shumë i dobët për Bashkimin, çerek në të cilin prizrenasit shënuan vetëm 13 pikë dhe pësuan plot 31, kurse ringjallja filloi nga çereku i dytë e vazhdoi në të tretin.

Çereku i katërt ishte pak më i mirë për vendasit, mirëpo fitorja e tyre u mohua nga treshja e Kejuan Johnson, i cili e dërgoi takimin në kohë shtesë. I njëjti lojtar luajti rol masiv në fitoren e prizrenasve edhe në 5 minutat e shtesës. Po ashtu, gjatë shtesës u dallua edhe Locke, të cilit nuk iu dridh dora nga gjuajtjet e lira në momentet vendimtare të takimit, ndërsa shënimi vendimtar erdhi nga Popovic në sekondin e fundit të ndeshjes.

TABELA AKTUALE BIBL

Më të dalluarit tek skuadra maqedonase ishin Aleksandar Kostoski me 28 pikë, 6 kërcime e 5 asistime dhe Danilo Mijatovic 16 pikë, 2 kërcime, 1 asistim, ndërsa tek prizrenasit u dalluan Eric Palm me 25 pikë, 5 kërcime e 5 asistime, Kejuan Johnson me 24 pikë, 11 kërcime e 1 asistim dhe Marko Popovic me 18 pikë e 5 kërcime.

Kjo ishte humbja e dytë e Kumanovës, pas asaj që e pësoi ndaj Prishtinës në kryqytet. Në anën tjetër, kjo ishte fitorja e tretë radhazi për Bashkimin.

Kumanovo

Bashkimi