Prishtina e gatshme për të hapur sezonin në BIBL

Skuadra e Prishtinës nesër edhe zyrtarisht i rikthehet Ligës Ballkanike, pasi që luan ndeshjen e parë të stinorit si vendas në Pallatin e Rinisë dhe të Sporteve.

Bardhekaltërit do të kenë në dispozicion 280 bileta në shitje për duelin e të martës, 12 tetor që nis në ora 19:00 ndërsa kundërshtar është ekipi bullgar, Akademik nga Plovdivi.

“Biletat dalin në shitje nesër dhe çmimi i tyre do të jetë 3 (tre) euro,” ka bërë të ditur klubi nga kryeqyteti, ndërsa për lokacionin e shitjes dhe orarin ka thënë se do të bëj një njoftim më vonë!

Prishtina është skuadra e vetme nga Kosova që këtë stinor garon në BIBL, pasi që ditë më parë Peja u largua nga garat.