Prishtina s’lejon befasi

Sigal Prishtina është rikthyer në ndeshje në pjesë të dytë dhe ka mposhtur Bashkimin për të mos lejuar befasi në përballjen e parë mes tyre në Play-Off.

Pjesa e parë e ndeshjes i takoi plotësisht Bashkimit. Loja e mirë e prizrenasve që shfrytëzuan Prishtinën pa qendër bëri që portokallezinjtë të kapin në një rast edhe 20 pikë epërsi. Kjo erdhi pasi që Jason Washburn u fjalos me trajnerin Antonis Constantinides dhe ky i fundit nuk e futi atë në lojë.

E si duket dyshja e parapërmendur gjeti arsyen e pajtimit në çerek të tretë, kur Washburn u kthye, pastaj edhe treshet e Dardan Berishës (dy të njëpasnjëshme) bën që bardhekaltërit kampionë të kthehen në lojë.

Më pas në çerekun e katërt më nuk kishte dilema për fituesin pasi që Bashkimi dështoi në disa sulme radhazi e Prishtina me pikë të Dardan Berishës, Jason Washbun e Willie Kemp arriti që të këndellet dhe të krijojë epërsi të konsiderueshme për fund të qetë të ndeshjes.

Te Sigal Prishtina, Dardan Berisha ishte më efikasi me 22 pikë të shënuara dhe 6 asistime. Ai shënoi 6 treshe nga 13 tentime, me saktësi 46%.

Pas tij vetëm edhe Jason Washburn e Mohamed Abukar shënuan pikë dyshifrore. Jo vetëm pikë, por edhe kërcime. Washburn përfundoi ndeshjen me 14 pikë e 10 kërcime, ndërsa Abukar me 13 pikë e 11 kërcime.

Te Bashkimi më efikasi ka qenë Endrit Hysenagolli me 17 pikë e 6 kërcime. Theron Bussey luajti me 16 pikë, 5 asistime e 7 kërcime, ndërsa Rokas Uzas përfundoi ndeshjen me double-double prej 12 pikëve dhe 12 kërcimeve.

Kjo ka qenë përballja e parë e tyre në gjysmëfinalen e Play-Offit dhe Prishtina ka epërsi 1-0 në këtë seri. Ndeshja e radhës luhet në Prizren.

Statistikat ekipore

	Sigal Prishtina	Bashkimi
Çereku i parë	12	22
Çereku i dytë	16	19
Çereku i tretë	21	9
Çereku i katërt	18	9
Kërcime	40	34
Asistime	23	14
Bllokada	5	1
Topa të vjedhur	5	2
Topa të humbur	8	10
Tentime për tre pikë	8/31	3/13
Tentime nga loja	27/69	3/13
Tentime nga gjuajtjet e lira	5/7	14/21

Statistikat individuale te Sigal Prishtina

1	Dardan Berisha	22 pikë	6 asistime	5 kërcime
2	Jason Washburn	14 pikë	10 kërcime	3 bllokada
3	Mohamend Abukar	13 pikë	11 kërcime	5 asistime
4	Willie Kemp	7 pikë	5 kërcime	4 asistime
5	Edmond Azemi	4 pikë	4 kërcime	2 asistime
6	Andrew Warren	3 pikë	2 asistime	-
7	Gazmend Sinani	2 pikë	3 kërcime	1 asistim
8	Tomas Massamba	2 pikë	1 kërcim	1 top të vjedhur

Statistikat individuale te Bashkimi

1	Endrit Hysenagolli	17 pikë	6 kërcime	-
2	Theron Bussey	16 pikë	7 kërcime	5 asistime
3	Rokas Uzas	12 pikë	12 kërcime	3 asistime
4	Granit Rugova	7 pikë	5 asistime	1 kërcim
5	Imer Tahiri	5 pikë	2 kërcime	1 asistim
6	Andi Shehu	2 pikë	5 kërcime	-