RODNEY BULLOCK JR
Prishtina zyrtarizon përforcimin e ri
18 February, 2019 @10:56
Pak minuta më parë, nënkampionja e Kosovës, Prishtina, e zyrtarizoi përforcimin e ri të skuadrës.
Basketbollisti Rodney Bullock Jr që nga sot do të jetë pjesë e Prishtinës.
Bullock 24 vjeçar, luan në pozitën alo qendër, ku pritet t’i ndihmojë Khalid Boukichous në trapez. Ai së fundi ishte pjesë e skuadrës hungareze Alba Fehevar, derisa në FIBA Europe Cup ka pasur mesatare prej 10.8 pikëve, 4.5 kërcimeve dhe 1.4 asistimeve për ndeshje.
Prishtina në TOP 16 të FIBA Europe Cup, do të përballet me skuadrën italiane Varese. Ndeshja e parë do të luhet më 6 mars në Prishtinë, ndërsa ajo e kthimit më 13 mars në Itali.
