VOTIMI ONLINE NË FIBA EUROPE CUP
Reprezentuesi i Kosovës në 5-shen e javës në FIBA Europe Cup
25 October, 2018 @21:45
Në pesëshen e javës së dytë në FIBA Europe Cup ka zënë vend edhe një basketbollist i përfaqësueses së Kosovës.
Fjala është për pllejmekerin amerikan të natyralizuar, Scott Bamforth, i cili ishte më meritori në fitoren me rezultat të ngushtë (98-94) të skuadrës së tij, Dinamo Sassari, ndaj ekipit hungarez, Szolnoki.
Bamforth për 27 minuta sa qëndroi në fushë, regjistroi 25 pikë, 4 kërcime dhe 5 asistime, ndërsa ekipi italian Sassari shënoi fitoren e dytë në FIBA Europe Cup.
Bashkë me Bamforth-in, në pesëshe zurën vend edhe Deyan Ivanov (Lukoil Levski), Evan Bruinsma (Falco Vulcano), Worthy de Jong (ZZ Leiden) dhe Kyle Vinales (Petrolina AEK).
Që të pestit aktualisht janë në garën online të votimit për t’u shpallur më i miri i javës. Votimi është i hapur për të gjithë në faqen zyrtare të FIBA-s nëpërmjet këtij linku: https://goo.gl/TYD4NV
