IOANNIS TSIROGIANNIS
Trajneri i parë i huaj në histori të Lipjanit
25 October, 2018 @18:25
Trajneri grek, Ioannis Tsirogiannis, është trajner i ri i KB Lipjanit. Ai është zyrtarizuar sot si drejtues i ri i ekipit të ri në Superligë, ndërsa do të zëvendësojë Blerim Krasniqin e larguar dy xhiro më parë.
Tsirogiannis së fundi ka qenë trajner i Plytechnic Iasi në Ligën e Dytë të Rumanisë, ndërsa para kësaj ka qenë trajner i femrave të të njejtit ekip në elitën rumune.
Trajneri 54 vjeçar ka drejtuar ekipe edhe në Iran, ndërsa në Greqi ka arritur të stërvis të gjitha grupmoshat e PAOK-ut, duke nisur nga U16, U18 dhe U20.
Tsirogiannis do të bëhet trajner i parë i huaj në histori të ekipit të Lipjanit në basketboll.
