NË GJEVGJELI
Foto: balkanleague.net
Rivali i Bashkimit, ndërron play’in amerikan
12 January, 2018 @12:36
Skuadra e Blokotehnas, që do të jetë mysafire e parë e Bashkimit në vitin 2018 në kuadër të BIBL, sot ka regjistruar ndërrimin e playmakerit të skuadrës në këtë ligë.
Pas lëndimit të Michael Mallory, ata kanë regjistruar organizatorin tjetër amerikan, Johnatan Hudson, ka bërë të ditur faqja zyrtare e BIBL pak më parë.
Hudson që ka qenë pjesë e Naglisit në Lituani së fundi, ka pasur mesatare prej 18.7 pikëve, 4.9 asistimeve në 22 ndeshje të zhvilluara atje.
Lojtari në fjalë pritet të arrijë në fundjavë në Gjevgjeli, ndërsa BIBL ka bërë të ditur se ai do të ketë të drejtë loje ndaj Bashkimit më 17 janar, në Sezai Surroi.
