AS PRISHTINA - NEW BASKET
Robinson me 40p, Hazeri me triple-double, vazhdon ngritja
18 March, 2022 @21:11
Skuadra prizrenase, New Basket, ka triumfuar edhe kundër AS Prishtinës, duke e mposhtur kundërshtarin me rezultat 88-119.
New Basket arriti fitoren falë performancave të Jordan Robinson dhe Hajriz Hazerit.
Robinson shkëlqeu me 40 pikë, 8 kërcime e 4 asistime, derisa Hazeri luajti me triple-double prej 13 pikëve, 13 asitimeve e 11 kërcimeve.
Gjithashtu te New Basketi u dalluan edhe Visar Ejupi me 26 pikë e 10 kërcime, Idoll Pallushi me 13 pikë dhe Egzon Kuqi me 13 pikë e 12 kërcime.
Te AS Prishtina më të mirët ishin, Dardan Sejdiu me 25 pikë e 18 kërcime, Ermir Gashi me 19 pikë e 14 kërcime dhe Rron Kurti me 19 pikë gjithashtu.
New Basket me këtë fitore ngritet në pozitën e dtyë me 10 fitore e 6 humbje, kurse AS Prishtina me 5 fitore e 11 humbje gjendet në pozitën e tetë.
Në xhiron e 17 New Basketi e pret Vushtrrinë, derisa AS Prishtina përballet me MH Prishtinën.
