Sadio Doucoure - përforcim i ri te Peja

Basketbollisti francez, Sadio Doucoure, është përforcimi më i ri i Pejës. Ekipi verdhezi, që mbrëmë mposhti Bashkimin në “Sezai Surroi” pas njoftimit për largimin e Urald Kingut, ka dalë me zëvendësimin e tij, që është Doucoure 31 vjeçar.

Së fundi, basketbollisti 200 cm. me origjinë nga Mali, ka luajtur për Nanterren në Francë, ndërsa ka pasur mesatare prej 3.2 pikëve për ndeshje, 2.1 kërcime dhe 0.5 asistime e 0.2 bllokada për lojë.

“KB Peja njofton transferimin e Basketbollistit francez, Sadio Doucoure - i cili i bashkohet Kampionëve të Kosovës nga Superliga Franceze.
Doucoure është basketbollist i pozitave 3/4 dhe është përforcimi i rradhës në synimin për të mbajtur titullin në tempullin e Kampionëve.” - ka shkruar Peja në njoftimin e lëshuar pak më parë.