Saric nuk lejon befasi malazeze

Edhe pse nuk e filluan ndeshjen shumë mirë, përfaqësuesja e Malit të Zi arriti të rikuperonte shumë në pjesën e dytë të ndeshjes, duke e rrezikuar shumë fitoren e kroatëve, të cilët megjithatë nuk u mposhtën falë përvojës së madhe të disa individëve kryesorë.

Mali i Zi u rikthye në lojë nga disavantazhi prej 15 pikëve, mirëpo në momentet vendimtare ishte Dario Saric i Kroacisë ai që e tha fjalën e fundit, duke shënuar pikët vendimtare për fitoren 72-76 të kroatëve.

GRUPET DHE ORARI - EUROBASKET 2017

Bojan Bogdanovic, lojtari më i mirë i kroatëve me 23 pikë, shënoi vetëm 4 nga pikët e tij në pjesën e dytë, duke dëshmuar qartë rënien e kroatëve në këtë pjesëlojë, ndërsa te malazezët më i dalluari ishte i zakonshmi Rice, që sot ndeshjen e mbylli me 22 pikë.

Pas 3 xhirove në Grupin C, Kroacia ka 3 fitore, kurse Mali i Zi ka 1 fitore e 2 humbje.