Shala e Rudi për 3 pikët e reja të Vëllaznimit

Me dy gola të mbrojtësve të krahut, Ardenis Shalës e Lorik Rudit, Vëllaznimi i Ismet Munishit ka arritur të shënojë fitore ndaj Vllaznisë së Pozheranit në takimin e zhvilluar sot në qytetin e Gjilanit.

Gjakovarët në epërsi kaluan me golin me kokë të Ardenis Shalës, mirëpo rezultati u barazua shumë shpejt nga Alidema i vendasve, i cili po kalon formë të mirë personale sivjet. Gjithsesi, për 1-2 u përkujdes Lorik Rudi dhe Vëllaznimi e riktheu epërsinë.

Pjesa e dytë kaloi pa gola përkundër disa rasteve nga vendasit, ndërsa meritor për këtë gjë ishte edhe portieri mysafir Altik Muhaxhiri, i cili intervenoi disa herë dhe bëri që rezultati final i takimit pas 90 minutave të ishte 1-2.

TABELA AKTUALE SUPERLIGA

Kjo fitore bën që gjakovarët tashmë të kenë 5 ndeshje radhazi pa humbje në Superligë dhe e ngrit Vëllaznimin në kuotën e 21 pikëve, derisa Vllaznia vazhdon të mbetet në fund të tabelës së klasifikimit.