VIKTIMË E VIZËS
BOROZANI/D.S.
Shtatëgjati Bamba Fall, largohet
23 October, 2015 @9:52
Basketbollisti 217 centimetra i gjatë, Bamba Fall, do të largohet nga Sigal Prishtina, ka bërë të ditur Koha Ditore sot.
Qendra senegaleze ka probleme me vizë për cilindo vend që duhet të udhëtojë në FIBA Europe Cup dhe kjo po i shkakton telashe Sigal Prishtinës, që ka vendosur të ndajë rrugët me basketbollistin në fjalë.
Bamba Fall, arriti në Prishtinë në fund të shtatorit. Ai ka zhvilluar 2 ndeshje me bardhekaltërit në Superligë të Kosovës, ku ka regjistruar mesatare prej 9 pikëve dhe 8.5 kërcimeve për ndeshje.
Fall u paraqit ndaj Vëllaznimit dhe Kerasan Prishtinës.
