MITEV
BOROZANI/Erdis Driza
Befasohem pse s’e ndalën Dardanin
22 October, 2015 @9:47
Trajneri i ekipit maqedonas Kozuv, Boban Mitev, që ka punuar një kohë edhe në Kosovë, ka qenë i befasuar pas ndeshjes me lojtarët e tij.
“E humbëm lojën në pjesë të parë, pasi që lejuam që ata të shënojnë treshe lehtë, veçanërisht Dardan Berisha. Befasohem me lojtarët e mi që e lanë atë të pambuluar. Me këtë humbje situatën nuk e kemi mirë në grup, por nuk dorëzohemi,” ka thënë Mitev, transmeton faqja zyrtare e ligës ballkanike sot.
Për Berishën, kjo ka qenë ndeshja e parë me fanellën e Prishtinës këtë stinor, pasi që u kthye nga Cibona. Ai shënoi 12 pikë, regjistroi 5 kërcime e 2 asistime në fitoren e ekipit të tij.
