Pjesa e parë, arsyeja

Bashkimi regjistroi humbjen e parë në BIBL, në xhiron e dytë dhe atë si mysafir në Tivat ndaj Teodos. 

Në prononcimin e tij pas ndeshjes, trajneri i Bashkimit, Petar Mijovic, ka thënë se arsyeja e humbjes së ekipit të tij qëndron në pjesën e parë të ndeshjes. 

“Uroj Teodon për fitoren e merituar. Ka qenë ndeshje interesante. E nisëm lojën shumë mirë, por mendoj se arsyeja e humbjes qëndron në pjesën e parë, kur lejuam që ata të shkrijnë epërsinë tonë 10 pikëshe. Më pas Teodo shpejtoi lojën dhe arriti epërsinë të cilën edhepse e zvogëluam në fund, nuk na mjaftoi,” ka thënë Mijovic, transmeton faqja zyrtare e ligës ballkanike sot fjalët e trajnerit të portokallezinjëve. 

Bashkimi sivjet po debuton në BIBL dhe ka bilanc 1 fitore e 1 humbje nga 2 përballjet e para. 

TABELA AKTUALE

Në xhiron e radhës ekipi nga Prizreni udhëton në Sofje për t’u takuar me Levski 2014.​