BIBL
Foto: Bashkimi Official
Bashkimi mposhtet në Tivat
20 October, 2015 @19:37
Loja e mirë në çerekun e parë të skuadrës së Bashkimit, nuk i ka mjaftuar për ta shijuar fitoren e dytë në Ligën Ballkanike.
Skuadra prizrenase e cila e nisi ndeshjen mjaft mirë, duke krijuar epërsi deri në 11 pikë gjatë dhjetëminutëshit të parë (10-21), e humbi avantazhin në rezultat qysh në çerekun e dytë, të cilin e përmbyllën vendasit në të mirë të tyre (17-9), për të shkuar në pushim me rezultat të barabartë 30-30.
Në çerekun e tretë vazhdoi loja e mirë e Teodos, e cila arriti të krijojë edhe epërsi dyshifrore para fillimit të periudhës së fundit, gjë që ishte e pamundshme për portokallezinjtë që ta përmbysin deri në fund të takimit, megjithëse një minutë para fundit e ngushtuan atë deri në -4 pikë.
Tay Waller ishte më i disponuari në këtë takim duke luajtur me 25 pikë e 6 kërcime, derisa Gerti Shima luajti me double-double prej 12 pikëve dhe 10 kërcimeve. Në anën tjetër, ish lojtari i Sigal Prishtinës, Nikola Vucurovic, ishte më meritori në fitoren e Teodos, duke luajtur me 15 pikë e 4 kërcime, një pikë më shumë se amerikani Manuel Johnson që i kishte edhe 8 kërcime të tjera.
Kjo ishte humbja e parë e Bashkimit në Ligën Ballkanike, derisa Teodo e regjistroi fitoren e dytë të saj në po aq ndeshje.
Statistikat ekipore
| TEODO | BASHKIMI | ||
| Çereku i parë | 13 | 21 | |
| Çereku i dytë | 17 | 9 | |
| Çereku i tretë | 22 | 12 | |
| Çereku i katërt | 11 | 18 | |
| Kërcime | 39 | 35 | |
| Asistime | 11 | 7 | |
| Bllokada | 4 | 2 | |
| Topa të vjedhur | 6 | 4 | |
| Topa të humbur | 10 | 13 | |
| Tentime për tre pikë | 6/26 (23%) | 6/14 (42%) | |
| Tentime për dy pikë | 16/36 (44%) | 17/53 (32%) | |
| Gjuajtje të lira | 13/21 (61%) | 8/12 (66%) |
Statistikat individuale te Teodo
| 1 | Nikola Vucurovic | 15 pikë | 4 kërcime | 1 asistim |
| 2 | Manuel Johnson | 14 pikë | 8 kërcime | 1 bllokadë |
| 3 | Masan Vrbica | 10 pikë | 8 kërcime | 3 asistime |
| 4 | Nemanja Arsic | 8 pikë | 6 kërcime | 2 bllokada |
| 5 | Milos Djurisic | 7 pikë | 3 kërcime | 3 asistime |
| 6 | Srdjan Subotic | 6 pikë | 1 asistim | - |
| 7 | Aaron Mitchell | 2 pikë | 3 kërcime | 1 asistim |
| 8 | Petar Saric | 1 pikë | 1 kërcim | - |
| 9 | Ivan Zejak | 0 pikë | 6 kërcime | 2 asistime |
Statistikat individuale te Bashkimi
| 1 | Tay Waller | 25 pikë | 6 kërcime | 1 asistim |
| 2 | Gerti Shima | 12 pikë | 10 kërcime | 2 asistime |
| 3 | Efthymios Tsakaleris | 10 pikë | 4 kërcime | - |
| 4 | Arbër Tolaj | 5 pikë | - | - |
| 5 | Tre Bussey | 4 pikë | 6 kërcime | 1 asistim |
| 6 | Sani Ibrahim | 4 pikë | 5 kërcime | - |
| 7 | Granit Rugova | 0 pikë | 3 kërcime | 1 asistim |
| 8 | Qëndrim Biraj | 0 pikë | 1 kërcim | 2 asistime |
