Me mungesa ndaj Teodos

Përkundër disa problemeve me lëndime, trajneri i Bashkimit beson se ekipi i tij do të kryejë detyrat dhe të arrijë te rezultati pozitiv në Tivat të Malit të Zi, nesër ndaj Teodos. 

“Jemi të gatshëm për Teodon, edhepse kemi disa probleme me lëndime. Teodo është skuadër cilësore dhe ka përvojë në arenën ndërkombëtare. Imer Tahiri nuk do të luajë, derisa nuk dihet ende nëse do të jetë i gatshëm Efthymos Tsakaleris. Sidoqoftë, ne kemi sistemin e lojës sonë dhe idetë tona, që do të përpiqemi t’i zbatojmë atje. Pres një ndeshje të vështirë,” ka thënë Petar Mijovic para ndeshjes së parë të Bashkimit si mysafir në BIBL, për faqen zyrtare të Federatës së Basketbollit të Kosovës. 

Bashkimi këtë stinor po debuton në arenën ndërkombëtare, derisa ndeshjen e parë e fitoi si vendas në Prizren, duke e mposhtur Pejën. 

TABELA AKTUALE

Bashkimi dhe Peja bëjnë pjesë në Grupin B të Balkan League këtë stinor. Nga pesë ekipe sa e përbëjnë këtë grup, vetëm skuadra e fundit e renditur në tabelë nuk del në fazën tjetër të garave.