DERBI I XHIROS XX
Shtyhet derbi Bashkimi-Prishtina
24 February, 2016 @23:14
Përballja derbi e xhiros së njëzetë në Superligë ndërmjet Bashkimit dhe Sigal Prishtinës, e paraparë që të zhvillohet pasnesër, është shtyer.
Njoftimin e ka bërë të ditur Federata e Basketbollit të Kosovës, duke sqaruar se vendimi për shtyerje është marrë me marrëveshje mes klubeve, për shkak të obligimeve që kanë në ligën ballkanike.
Derisa Sigal Prishtina ka fituar përballjen e saj në BIBL ndaj Pejës sonte, Bashkimi u mposht mbrëmë nga Beroe.
Ndeshja në fjalë, duhet të zhvillohet para datave 12 dhe 13 mars 2016, ka bërë të ditur FBK-ja në njoftimin e saj.
Në përballjet tjera të xhiros XX që u zhvilluan sonte Ylli mposhti Kerasanin, ndërsa Trepça Vëllaznimin.
