Shtyhet ndeshja Ponte Prizreni - Bashkimi

Ndeshja mes Ponte Prizrenit dhe Bashkimit, e paraparë të zhvillohet sot nga ora 15:00, është shtyer për një datë të pacaktuar.

Topsporti.com ka mësuar se arsyeja e mos zhvillimit të ndeshjes ka qenë çështja kontestuese mes kompanive që kanë të drejtën e transmetimit të ndeshjes.

Njoftimi zyrtar për shtyrjen e ndeshjes pritet të dalë në ndërkohë nga ana e Federatës së Basketbollit të Kosovës.

Ndeshja Ponte Prizreni - Bashkimi, e paraparë të zhvillohet në kuadër të xhiros XX, nuk filloi fare edhe pse lojtarët ishin në fushë dhe gjithçka ishte gati për fillimin e saj.