KERASAN PRISHTINA - SIGAL PRISHTINA
BOROZANI/A. P.
Sigali lehtë ndaj Kerasanit
23 March, 2018 @21:21
Sigal Prishtina pa problem e mposhti Kerasan Prishtinën me rezultat 114-88.
Djelmoshat e trajnerit Dritëro Sefaja, çerekun e parë e përfunduan në epërsi (25-20), por më pas shumë shpejt u dorëzuan dhe nuk arritën t’i dalin ballë fuqisë së Sigal Prishtinës.
Filip Bundovic në këtë ndeshje ishte koshashënuesi më i mirë me 30 pikë, derisa bëri double-double me 18 kërcime të tjera. Gjithashtu performancë të mirë treguan edhe Rinor Peci me 23 pikë, 8 kërcime e 6 asistime, Alban Veseli me 19 pikë dhe Valon Bunjaku me 17 pikë të tjera.
Te Kerasan Prishtina u dallua Kujtim Ujkani me 18 pikë e 10 kërcime.
Sigal Prishtina gjendet në maje të tabeles me 23 fitore e 1 humbje, kurse Kerasan Prishtina në fund të tabelës me 4 fitore e 20 humbje.
