Sllovenia kualifikohet, duke mposhtur maqedonët

Sllovenia me lojën e mirë në çerekun e parë dhe të tretë, ka arritur të shënojë fitoren e tretë në Grupin C të Eurobasket 2015 dhe të sigurojë kualifikimin më tutje, duke mposhtur Maqedoninë. 

Zoran Dragic me 20 pikë e 5 kërcime ka qenë pika më e ndritshme e sllovenëve sot në fitore, derisa Alen Omic 23 vjeç është dalluar me double-double prej 14 pikëve dhe 11 kërcimeve në fitore. 

Te Maqedonia, që ka mbetur me një fitore pas 5 ndeshjeve dhe është eliminuar nga garat e mëtutjeshme, më i dalluari ka qenë veterani Vlado Ilievski që me 35 vjet në supe ka shënuar 15 pikë për ekipin e tij. 

Ish lojtari i Sigal Prishtinës, Bojan Trajkovski ka përfunduar ndeshjen me 6 pikë, 9 kërcime dhe 1 asistim. 

Sllovenia ka përfunduar Grupin C me bilanc 3 fitore e 2 humbje, derisa Maqedonia me 1 fitore e 4 humbje.