Spaqi, trajner i Besës

Ish basketbollisti i Bashkimit, Valentin Spaqi, do të bëhet trajner i Besës. 

Ajo që pa Borozani.com në palestrën Sezai Surroi sonte, u konfirmua nga vetë Spaqi, i cili ekskluzivisht për portalin tonë tha se ka arritur marrëveshje me kreun e Besës, Arbër Elshani, për të udhëhequr skuadrën pejane në pjesën e mbetur të kampionatit. 

Besa është e parafundit në tabelë të klasifikimit dhe prej se u largua Fabian Gjuka për arsye shëndetësore, atë e udhëheqte Hekuran Husaj. 

Spaqi, do të udhëheq Besën që nga xhiroja e ardhshme e Superligës, derisa pritet të debutojë ndaj ish ekipit të tij, ku ka bërë karrierë si lojtar, Sigal Prishtinës.