Peja në akcion, përforcohet me amerikanin Rubin

Largimi i Samir Shaptahovicit, e para tij edhe i Jan Mocnikut, ka krijuar zbrazëti të dukshme në lojën e skuadrës së Pejës.

E kjo më së miri u vërejt në ndeshjen e djeshme kundër Sigal Prishtinës, të cilën e humbën me disavantazh të lartë prej 27 pikëve.

Kështu, drejtuesit e ekipit pejan janë hudhur në akcion për ta përforcuar skuadrën, për të qenë sa më e kompletuar për fazën e dytë grupore në Ligën Ballkanike.

E emri i ri që do të jetë në skuadrën pejane është amerikani 193 centimetra i gjatë, Janou Rubin, i cili u zyrtarizua pak më parë nga faqja zyrtare e Pejës në Facebook.

Rubin, 33 vjeçar, në stinorin e kaluar ka luajtur në kampionatin austriak te skuadra  Furstenfeld, ku ka pasur mesatare prej 16.8 pikëve, 4.9 kërcimeve dhe 3.7 asistimeve në 31 ndeshje të paraqitura. Ai më parë ka luajtur edhe për skuadra të ndryshme nga Hungaria, Republika Çeke etj.

Rubin është i huaji i katërt te skuadra e Pejës pas Jozo Brkicit, Luka Petkovicit dhe Jaleel Nelsonit. Ky i fundit ende nuk e ka realizuar debutimin me ekipin pejan.

Video