Rikthimi i Trepçës

Trepça ka shënuar edhe fitoren e dytë në pjesën pranverore të kampionatit. Ekipi mitrovicas ka mopshtur Vëllaznimin e Gjakovës në ndeshjen e parafundit të kësaj xhiroje me 10 pikë dallim. 

Mirëpo, kështu nuk thoshte fillimi i ndeshjes. Kuqezinjtë ia nisën më mirë ndeshjes, duke e fituar çerekun e parë dhe të dytë, për të shkuar në pushimin e pjesës së parë, me 7 pikë epërsi. 

Por, atë çka i tha Ilir Selmani në zhveshtore ‘minatorëve’ vetëm ish kampionët e dinë. 

U rikthyen në parket me plotë fuqi dhe barazuan rezultatin shpejtë për të dalë në epërsi me fillim të çerekut të fundit, për të fituar ndeshjen krejt në fund, 72-62. 

Besnik Azemi, njeriu i cili vjeshtën e kaloi në Gjakovë, ka qenë basketbollisti më efikas i Trepçës ndaj ish ekipit të tij në muajin e kaluar, duke shënuar 21 pikë dhe duke mos pushuar për asnjë minutë në ndeshje. 

Atij i ndihmoi edhe Arian Tahiri me 14 pikë të shënuara, derisa rikthimi i Fikret Handzicit pas suspendimit, bëri dallimin nën kosh për mitrovicasit. 

Te gjakovarët, Imer Tahiri, Korab Prekazi dhe Phil Brooks ishin më të dalluarit, derisa përveç Ujkan Karanezit, nga banka nuk erdhi asnjë pikë te ekipi kuqezi, që regjistroi disfatën e dytë në pjesën e dytë të stinorit. 

REZULTATET, TABELA AKTUALE

Statistikat ekipore:

Statistikat individuale te Trepça

Statistikat individuale te Vëllaznimi