PRIZREN
BOROZANI/Lis Dorambari
Bashkimi me Kërveshin, arrin fitoren e parë të vitit
29 January, 2015 @21:31
Bashkimi ka mposhtur bindshëm Besën në Sezai Surroi të Prizrenit sonte, duke dominuar në çdo çerek të lojës, për të arritur fitore me rezultat 116-79 në fund.
Ekipi prizrenas, që riktheu në radhët e veta trajnerin Edin Kërveshi, ka nisur ndeshjen furishëm për të krijuar avantazh të madh që në çerekun e parë të ndeshjes, ku Besa nuk arriti të kthehej më në lojë.
5 basketbollistë portokall-e-zi kanë shënuar pikë dyshifrore në fitore, derisa Kërveshi i ka dhënë hapësirë thuajse të gjithë lojtarëve në ndeshje.
Kapiteni Qëndrim Biraj ka dalë koshashënues më i mirë i takimit, me 19 pikë të shënuara, derisa Mujo Tuljkovic, Endrit Hysenagolli dhe Kreshnik Juniku kanë shtuar nga 18 pikë secili në fitore.
Te Besa, është dalluar ish lojtari i Bashkimit, Mustafë Merovci, me 20 pikë të shënuara, derisa Amstrong ka shënuar 18 të tjera në humbjen e dytë të stinorit pranveror për ekipin pejan.
Bashkimi tash ka bilanc prej dhjetë fitoreve e gjashtë humbjeve para ndeshjes së radhës me Kastriotin, derisa Besa pret Sigal Prishtinën në Karagaç, xhiron që vjen.
Statistikat ekipore
| BASHKIMI | BESA | ||
| Çereku i parë | 29 | 12 | |
| Çereku i dytë | 23 | 14 | |
| Çereku i tretë | 28 | 27 | |
| Çereku i katërt | 36 | 26 | |
| Kërcime | 39 | 23 | |
| Asistime | 38 | 13 | |
| Bllokada | 1 | - | |
| Topa të vjedhur | 9 | 3 | |
| Topa të humbur | 10 | 17 | |
| Tentime për tre pikë | 11/28 | 4/20 | |
| Tentime nga loja | 43/76 | 27/63 | |
| Gjuajtje të lira | 19/25 | 21/27 |
Statistikat individuale te Bashkimi
| 1 | Qëndrim Biraj | 19 pikë | 8 kërcime | 6 asistime |
| 2 | Mujo Tuljkovic | 18 pikë | 6 kërcime | 6 asistime |
| 3 | Endrit Hysenagolli | 18 pikë | 8 kërcime | 1 bllokadë |
| 4 | Kreshnik Juniku | 18 pikë | 2 kërcime | 2 asistime |
| 5 | Muhamed Hasani | 14 pikë | 3 kërcime | 7 asistime |
| 6 | Altin Morina | 9 pikë | 5 kërcime | 8 asistime |
| 7 | Tom Tankelewicz | 9 pikë | 3 kërcime | 5 asistime |
| 8 | Tray Woodall | 8 pikë | 2 kërcime | 4 asistime |
| 9 | Arion Balluku | 3 pikë | 1 kërcim |
Statistikat individuale te Besa
| 1 | Mustafë Merovci | 20 pikë | 5 kërcime | - |
| 2 | Andre Armstrong | 18 pikë | 2 kërcime | 4 asistime |
| 3 | Joshua Mason | 13 pikë | 4 kërcime | 1 asistim |
| 4 | Beqë Kovaqi | 11 pikë | 4 kërcime | - |
| 5 | Elvan Iljazi | 4 pikë | 2 kërcime | 1 asistim |
| 6 | Kushtrim Zeqiraj | 4 pikë | 2 kërcime | - |
| 7 | Alex Carcamo | 3 pikë | 2 kërcime | 3 asistime |
| 8 | Dion Basha | 3 pikë | 3 asistime | - |
| 9 | Denis Kullashi | 2 pikë | - | - |
| 10 | Yll Belegu | 1 pikë | 2 kërcime | 1 asistim |
