Të gjithë fituesit e Kupës së Kosovës

Sot nis Final 8 i Kupës së Kosovës, që është njëra ndër garat më interesante të basketbollit në Kosovë. Interesante sepse thuajse të gjitha skuadrat pjesëmarrëse bëjnë përforcime shtesë para muajit shkurt që përkon me trofeun e parë të vitit.

E kësaj radhe në Final 8 të Kupës së Kosovës nuk mund edhe të parashikohet fituesi, për shkak se disa skuadra duken thuajse të barabarta në parket dhe fituesi do të kuptohet vetëm brenda duelit, që do të thotë se nuk ka favorit të madh për triumfuesin e Kupës së Kosovës 2022.

Përndryshe, garat e Kupës sivjet luhen në Karagaç të Pejës, ndërsa dy fituesit më të shpeshtë të Kupës takohen në çerekfinale.

SKEMA E KUPËS 2022

Sa i përket fituesve të deritashëm, Prishtina është dominante me trofe, pas së cilës vjen Peja, ndërsa pas tyre qëndron Trepça.

E kush do të fitojë Kupën e Kosovës sivjet, varet shumë edhe nga duelet që kanë rrugëtimin deri në finale.

Mëposhtë, të gjithë fituesit e Kupës së Kosovës ndër vite.

FITUESIT E KUPËS SË KOSOVËS, SIPAS VITEVE:

1991/92	Vëllaznimi
1992/93	Trepça
1993/94	Peja
1994/95	Peja
1995/96	Vëllaznimi
1996/97	Peja
1997/98	– garat janë ndërprerë
1999/2000	Trepça
2000/01	Bashkimi
2001/02	Prishtina
2002/03	MEB Prishtina
2003/04	Trepça
2004/05	Sigal Prishtina
2005/06	Sigal Prishtina
2006/07	Sigal Prishtina
2007/08	Sigal Prishtina
2008/09	Sigal Prishtina
2009/10	Sigal Prishtina
2010/11	Peja
2011/12	Trepça
2012/13	Sigal Prishtina
2013/14	Sigal Prishtina
2014/15	Peja
2015/16	Sigal Prishtina
2016/17	Sigal Prishtina
2017/18	Sigal Prishtina
2018/19	Z Mobile Prishtina
2019/20	Peja
2020/21	Prishtina
2021/22	?

FITUESIT E KUPËS, TOTAL:

1	KB Prishtina	15 herë
2	KB Peja	6 herë
3	KB Trepça	4 herë
4	KB Vëllaznimi	2 herë
5	KB Bashkimi	1 herë