ORARI I XHIROS XXIII
TOPSPORTI/ L. D.
Të shtunën, derbi në Prizren
18 March, 2019 @18:29
Është publikuar orari i ndeshjeve të xhiros së XXIII të Superligës në basketboll, ndërsa derbi i xhiros do të zhvillohet në Sezai Surroi të Prizrenit.
Kampioni aktual Bashkimi pret Rahovecin në formë të shtunën me fillim prej orës 19:00. Derisa Bashkimi dëshiron t’i kthehet fitores pas humbjes nga Ylli, Rahoveci kërkon të luftojë deri në fund të stinorit të rregullt për pozitën e dytë.
Të shtunën në Pejë Borea pret Prizrenin në ndeshjen që nis në ora 17:00.
Të dielën, interesant pritet të jetë në Suharekë, ku Ylli pret Trepçën (17:00), derisa udhëtimi i Prishtinës në Lipjan (19:00) nuk pritet të jetë më shumë sesa një stërvitje që llogaritet për bardhekaltërit.
