SONTE: LEVSKI-TIRANA
Tirana ende në kërkim të fitores si mysafire
6 February, 2018 @12:19
Përballja e sontme e Tiranës në Sofje ndaj ekipit bullgar, Levski, e gjen atë ende në kërkim të fitores së parë si mysafire këtë stinor në BIBL.
Të drejtuar nga Antonis Doukas, bardhekaltërit e kryeqytetit shqiptar do të kërkojnë që të mposhtin ekipin me bilanc më të dobët bullgar këtë stinor në BIBL.
Derisa Tirana ka bilanc 2-7, Levski ka bilanc 3-5 dhe të dyja skuadrat do të kërkojnë së paku edhe nga një fitore për të garantuar një vend në PlayOff të garës.
Ndeshja nis në ora 18e30 me kohën lokale të Sofjes, ndërsa transmetohet drejtpërdrejtë në sportmedia.tv.
