LIGA E FEMRAVE
Trepça (F) me Wild Card rikthehet në Superligën e Femrave
Teksti: FBK
16 September, 2021 @16:07
Klubi i Basketbollit Trepça do të garojë në edicionin e ri në Superligën e Femrave.
Skuadra mitrovicase ka aplikuar pas konkursit për Wild Card nga Federata e Basketbollit e Kosovës për plotësimin e vendit të gjashtë për Superligën e Femrave, pas tërheqjes nga KB Vushtrria.
Bordi i Federatës së Basketbollit të Kosovës ka vendosur që Trepça të garojë në Superligën e Femrave, pas plotësimit të kërkesave të shpallura në konkurs.
Trepça edicionin e kaluar ishte renditur e gjashta në Superligën e Femrave, duke rënë në një kategori më poshtë, megjithatë, pas tërheqjes së Vushtrrisë, do të garojë në elitën e femrave.
Superliga e Femrave do të fillojë më 9/10 Tetor 2021