KUPA E KOSOVËS: TREPÇA-UNITED
BOROZANI/ A. P.
Trepça kalon në çerekfinale
21 December, 2017 @14:36
Skuadra e Trepçës ka shënuar fitore në ndeshjen e mbrëmshme të së tetës së finales së Kupës së Kosovës ndaj United Basketball nga Gjilani dhe me këtë ka arritur të sigurojë një vend në çerekfinale të garës.
Trepça ka shënuar fitore me rezultat 87-50 dhe ekipi mitrovicas që po drejtohet nga Ilir Selmani me ardhjen e dyshes amerikane ka filluar këndelljen edhe në Superligë.
Në këtë ndeshje, basketbollisti i United, Qëndrim Demi, u diskualifikua për sjelle josportive, ka bërë të ditur FBK-ja në Informatorin e botuar sot dhe është gjobitur me 100 euro për shkak të gabimeve të përsëritura.
Ekipi mitrovicas, me këtë fitore tashmë mund të shpresojë në Final Four.
Kundërshtari që e pret Trepçën në duelin çerekfinal është Bashkimi.
