Trepça mposht Dritën

Spanjolli Alvaro Calvo dhe Valdrin Haxhiu kanë qenë lojtarët më të dalluar të Trepçës në fitoren e tyre ndaj Dritës, të zhvilluar në kuadër të xhiros së XXV. 

Calvo është treguar përsëri esencial për mitrovicasit pasi që ishte më i miri në fitore. Derisa, përveç tij u dallua edhe Haxhiu bashkë me Besnik Azemin - për t’ia dhënë fitoren e parë të stinorit si trajner Ilir Selmanit. 

Në anën tjetër, edhe Drita qe shumë e mirë, por epërsinë fillestare të Trepçës nuk arritën assesi ta shkrijnë deri në fund të takimit. 

Gjilanasit kritikuan mjaft edhe referimin në këtë ndeshje, pas diskualifikimit të basketbollistit të tyre Driton Sylejmani, derisa edhe vetë drejtuesi i klubit ka reaguar në llogarinë e tij në Facebook për këtë. 

Në fund, Trepça regjistroi fitoren e 13-të në Superligë për të mbetur në vend të tretë, derisa Drita pësoi humbjen e 14-të për të marrë një goditje të papritur për kualifikim në Play-Off. 

Rezultatet dhe tabela aktuale.

Statistikat ekipore:

	Trepça	Drita
Çereku 1	27	10
Çereku 2	15	21
Çereku 3	12	12
Çereku 4	16	16
Kërcime	53	54
Asistime	17	4
Bllokada	1	2
Topa të vjedhur	12	6
Topa të humbur	13	17
Tentime për tre pikë	11/30	2/10
Tentime për dy pikë	15/54	16/66
Tentime nga gjuajtjet e lira	7/10	21/26

Statistikat individuale te Trepça:

1	Alvaro Calvo	20 pikë	12 kërcime	7 asistime
2	Valdrin Haxhiu	13 pikë	11 kërcime	4 asistime
3	Besnik Azemi	12 pikë	4 kërcime	1 asistim
4	Imer Tahiri	8 pikë	2 kërcime	1 asistim
5	Fikret Handzic	6 pikë	7 kërcime
6	Arian Tahiri	4 pikë	3 asistime	1 kërcim
7	Korab Prekazi	3 pikë	6 kërcime
8	Hekuran Binxhia	3 pikë	1 kërcim
9	Safet Mustafa	1 pikë	4 kërcime

Statistikat individuale te Drita:

1	Shamar Cooms	21 pikë	12 kërcime	2 asistime
2	Jasonn Hannibal	14 pikë	7 kërcime
3	Filip Toncinic	11 pikë	12 kërcime
4	Burim Aliu	5 pikë	8 kërcime	1 asistim
5	Arian Mehmeti	4 pikë	9 kërcime
6	Adem Dushica	4 pikë	4 kërcime	1 asistime