Trepça ngritet në tabelë me rekord pikë në fitore

Fitorja e katërt me radhë dhe ngritje e madhe e Trepçës në klasifikim.

Basketbollistët e drejtuar nga Ilir Selmani kanë shënuar rekord pikë këtë stinor në një ndeshje të Superligës, duke e mposhtur Borean që po lufton për mbijetesë me rezultat të thellë, 136-70.

Kjo fitore e ka ngritur Trepçën në pozitën e tretë aktualisht, ndërsa rekordi tjetër i ekipit mitrovicas është që në çdo çerek ka shënuar së paku 30 pikë!!!

TABELA AKTUALE

Më efikasi në fitore ka qenë Dwane Miner me 31 pikë të shënuara, 3 asistime e 7 kërcime. 21 pikë ka shtuar Samir Zekiqi, duke shtuar edhe 9 asistime e 7 kërcime.

E i jashtëzakonshëm në këtë përballje është treguar Mark Dorris, që ka luajtur me triple-double, duke shënuar 18 pikë, 10 kërcime e 14 asistime në fitoren e mitrovicasve.

Te Borea që luajti me krejtësisht 8 lojtarë ndeshjen, më efikasi ka qenë Patrick Wrencher Jr që shënoi 22 pikë.

Pas kësaj fitoreje Trepça ka bilanc 6-6, ndërsa Borea 3-9.