Fenerbahçe nuk gabon kundër Panathinaikos

Nënkampioni i Euroleagues, Fenerbahçe, e mposhti Panathinaikosin me rezultat 69-81.

Edhepse ndeshja përfundoi me 12 pikë epërsi, deri në gjysmën e çerekut të fundit rezultati ishte i ngushtë, por pas direktivave të trajnerit Zeljko Obradovic, skuadra turke e ngriti dozën e mbrojtjes më shumë për ta mposhtur kundërshtarin në palestrën e zjarrtë të Panathinaikosit.

Nikola Kalinic luajti me 18 pikë, derisa shënimet e tij nga vija e treshit ishin vendimtare. Ai ishte i saktë 4 herë në 5 tentimet e tij. Kalinic u ndihmua edhe nga Joffrey Lauvergne me 16 pikë dhe Jan Vesely me 15 pikë të tjera.

Te Panathinaikos, edhepse Nick Calathes ishte koshashënuesi më i mirë me 14 pikë, por u zgjua vonë nga gjumi. Pikët e tij erdhën kah fundi i ndeshjes por nuk mjaftuan për fitore.

TABELA AKTUALE

Kjo ishte fitorja e 10 e Fenerbahçes, derisa pësuan vetëm një herë deri më tani, kurse Panathinaikos ka bilanc prej 5 fitoreve e 6 humbjeve.