TREPÇA - PEJA
Foto: KB Trepça
Trepça superiore, Peja mposhtet në Minatori
4 February, 2017 @19:34
Skuadra e Trepçës i është hakmarrur Pejës për katër humbjet e pësuara nga të gjitha garat përgjatë këtij stinori deri më tani.
Xehetarët, me një lojë bindshëm më të mirë sonte, arritën të shënojnë fitore të merituar duke e mposhtur Pejën me rezultat të thellë 83-65.
Peja ishte vetëm gjatë çerekut të parë rival i denjë për Trepçën, ndërsa më pas ekipi i trajnerit Dimitris Papadopoulos morri hov dhe krijoi epërsi deri në mbi 20 pikë, që ishte e pamundur të shkrihej më pas nga ana e pejanëve.
Koshashënuesi më i mirë në fitoren e Trepçës ishte Montrael Scott me 19 pikë, derisa kontribut tejet të rëndësishëm dhanë edhe Frederic Stutz, Besnik Azemi dhe Samir Zekiqi.
Në anën tjetër, te Peja përveç amerikanit të larguar LaMarcus Reed, nuk u paraqitën fare as dyshja Austin Tillotson dhe Alban Veseli, gjë që ndikoi shumë në lojën e tyre. E në mungesë të tyre, rolin e liderit e luajtën dyshja nën kosh, Jamie Skeen dhe Noah Dahlman. I pari ishte koshashënuesi më i mirë te verdhezinjtë me 17 pikë, ndërsa i dyti luajti me double-double prej 14 pikëve dhe 10 kërcimeve.
Kjo është fitorja e parë e Trepçës në këtë stinor përballë Pejës, ndërsa në Superligë fitorja numër 11, kurse për Pejën kjo është humbja e tretë në Superligë.
TREPÇA
| 1 | Montrael Scott (34:59) | 19 pikë | 7 kërcime | 4 asistime |
| 2 | Frederic Stutz (14:22) | 17 pikë | 4 kërcime | 1 asistim |
| 3 | Besnik Azemi (26:23) | 16 pikë | 2 kërcime | 1 asistim |
| 4 | Samir Zekiqi (23:30) | 15 pikë | 1 kërcim | - |
| 5 | Jeremy Wise (33:00) | 10 pikë | 3 kërcime | 4 asistime |
| 6 | Kiel Turpin (22:03) | 6 pikë | 5 kërcime | 1 asistim |
| 7 | Nikola Ljujic (8:47) | 0 pikë | 4 kërcime | - |
| 8 | Agon Selmani (18:20) | 0 pikë | 1 asistim | - |
| 9 | Burim Zekiqi (18:32) | 0 pikë | 1 asistim | - |
| 10 | Albelard Rashiti | - | - | - |
| 11 | Rinor Kosterci | - | - | - |
| 12 | Rinor Selmani | - | - | - |
PEJA
| 1 | Jamie Skeen (34:39) | 17 pikë | 4 kërcime | 2 asistime |
| 2 | Arti Hajdari (24:47) | 15 pikë | 1 kërcim | - |
| 3 | Noah Dahlman (40:00) | 14 pikë | 10 kërcime | 1 asistim |
| 4 | Mirza Ahmetbasic (36:52) | 7 pikë | 2 kërcime | 2 asistime |
| 5 | Cameron Rundles (19:46) | 6 pikë | 7 kërcime | - |
| 6 | Leonard Mekaj (23:21) | 4 pikë | 1 kërcim | 2 asistime |
| 7 | Arian Qallaku (5:20) | 2 pikë | 2 kërcime | - |
| 8 | Egzon Kuqi (14:35) | 0 pikë | 1 kërcim | - |
| 9 | Mirza Muric (0:36) | 0 pikë | - | - |
| 10 | Austin Tillotson | - | - | - |
| 11 | Blendi Matoshi | - | - | - |
| 12 | Alban Veseli | - | - | - |
