Tsakaleris përshëndetet sonte

Ndeshja e sontme ndërmjet Bashkimit dhe Sigal Prishtinës që do të zhvillohet në palestrën Sezai Surroi në Prizren, do të jetë e fundit për basketbollistin grek Efthimios Tsakaleris me fanellën e Bashkimit.

Kontrata e Tsakaleris me Bashkimin do të shkëputet menjëherë pas ndeshjes, me marrëveshje të dyanshme, për shkak se basketbollisti duhet të kthehet në vendlindje për arsye familjare.

Greku 207 centimetërsh ka pasur mesatare prej 7.3 pikëve në Superligë dhe 8 pikëve në Ligën Ballkanike, në gjithsej 5 ndeshje të zhvilluara deri më tani me ekipin prizrenas.

Njoftimi është dhënë nga faqja zyrtare e klubit, ndërsa është falenderuar basketbollisti në fjalë për kontributin e deritashëm.

Ndeshja derbi i javës, ndërmjet Bashkimit dhe Sigal Prishtinës, do të fillojë sonte nga ora 19:00.