Vazhdojnë me Ilievskin!

Kampionia e Kosovës dhe e Ligës Ballkanike, Sigal Prishtina, pritet që të vazhdojë kontratën e trajnerit, Marjan Ilievski. 

Ilievski që drejtoi ekipin bardhekaltër drejt titullit të parë ndërkombëtar në histori të basketbollit tonë, shihet si mundësia më e mirë nga klubi për të vazhduar me ‘të. 

“Sipas të gjitha gjasave do të vazhdojmë me Ilievskin,” është cituar të ketë thënë drejtori i klubit, Florian Miftari, për Kohën Ditore sot. 

Të nominuar 

Ditë më parë, Sigal Prishtina, u nominua nga Federata e Basketbollit të Kosovës, FBK, si ekip për pjesëmarrje në garën e dytë të FIBA Europe, emri i së cilës do të bëhet i ditur në ditët në vijim. 

Në anën tjetër, bardhekaltërit po shqyrtojnë opcionin të marrin pjesë në këtë garë që ka shumë shpenzime të mëdha, apo të vazhdojnë në Ligën Ballkanike, që për ‘ta është e përballueshme.