BLOKOTEHNA - BASHKIMI
Vazhdon forma negative e Bashkimit në BIBL
18 December, 2018 @20:23
Nënkampioni i Ballkan Ligës, Bashkimi, pësoi edhe në ndeshjen kundër Blokotehnas me rezultat 96-70.
Skuadra nga Gjevgjelia që nga minuta e parë ishte në epërsi dhe këtë nuk e lëshoi deri në fund të ndeshjes.
Povilas Gaidys me 21 pikë si dhe Goran Glavchev e Danilo Mijatovic me nga 20 secili ishin koshashënuesit më të mirë te Blokotehna.
Te Bashkimi Jordan Capps me 31 pikë, Steven Haney me 20 dhe Ujkan Karanezi me 10 pikë, ishin të vetmit me pikë dyshifrore.
Blokotehna regjistron fitoren e tretë rresht po në po aq ndeshje sa ka zhvilluar, derisa për Bashkimin kjo ishte humbja e katërt në pesë ndeshje të zhvilluar.
