KBF KASTRIOTI - KBF VËLLAZNIMI
Vëllaznimi me 5 lojtare, mbyll me fitore vjeshtën
11 December, 2021 @23:21
Vashat gjakovare, e mposhtën Kastriotin me rezultat 36-91 në ndeshjen e fundit të stinorit vjeshtor në Ligën e Femrave.
Vëllaznimi ka dominuar nga fillimi deri në fund të ndeshjes, derisa luajti me vetëm 5 lojtare pa ndërrime në 40 minuta.
Kendra Williams ishte më e dalluara me 32 pikë, 8 topa të rrëmbyer, 7 asistime e 6 kërcime, kurse u ndihmua edhe nga Rina Hoda me 28 pikë, 8 topa të rrëmbyer e 6 asistime, Bleona Juniku me 15 pikë dhe Viola Tanushi me 14 pikë e 11 kërcime.
Te vetëm Kastrioti vetëm Anita Grainca u veçua. Ajo luajti me double-double prej 16 pikëve, 20 kërcimeve e 6 topa të rrëmbyer.
Vëllaznimi me 3 fitore e 7 humbje gjendet në pozitën e katërt, kurse Kastrioti me 0 fitore e 10 humbje gjendet në pozitën e fundit.