GOLDEN STATE
Warriors në seri, fitorja e tretë me radhë
2 November, 2016 @9:16
Pas humbjes në ndeshjen e parë të stinorit, Warriorsat u këndellën dhe ia nisën t’i radhitin fitoret.
Golden State Warriors e mposhti Portland Trail Blazersin me rezultat 127-104, ndërsa snajperistët e “luftëtarëve” ishin në akcion, pasi që shkëputën ndeshjen në çerekun e fundit duke shënuar 5 herë nga vija e treshit.
Stephen Curry, luajti me 28 pikë derisa u ndihmua edhe nga Ian Clark me 22 dhe Kevin Durant me 20 pikë të tjera.
Te Portlandi, në skenë ishte ylli i skuadrës Damian Lillard që luajti me 31 pikë, por nuk ishin të dobishëm për skuadrën e tij.
Golden State Warriors ndeshjen e radhës do të luaj kundër Oklahoma City Thunderit, ndeshja e cila pritej nga shumë kush ngase Kevin Durant do të përballet me ish skuadrën e tij.
