Washburn largohet

Fitorja ndaj Energias pardje, ishte e madhe për Sigal Prishtinën, por edhe u regjistrua një humbje që mund të jetë e madhe. 

Qendra amerikane e posaardhur si përforcim, Jason Washburn, do të largohet nga ekipi bardhekaltër për shkak të lëndimit që e pësoi në këtë ndeshje. 

Washburn kishte ardhur si zëvendësim i Bamba Fallit në pozitën e qendrës, por lëndimi i ligamentit kryesor do të thotë mungesë përgjatë pjesës më të madhe të stinorit dhe Sigal Prishtina do ta zëvendësojë atë, ka bërë të ditur Koha Ditore sot, duke cituar drejtorin e ekipit, Florian Miftari. 

Washburn ishte njëri ndër lojtarët më të dalluar në parket në përballje ndaj Energias, duke shënuar 4 pikë e 4 kërcime në fillim të ndeshjes, derisa pësoi lëndimit në fund të 10 minutëshit të parë të takimit. 

Prej sot, Sigal Prishtina kërkon një lojtar tjetër në këtë pozitë, derisa në listën e të larguarve tashmë përveç atij dhe Bamba Fallit, janë regjistruar më parë edhe Gjeorgji Cekovski dhe Alhadji Mohammed.