VËLLAZNIMI - PENZA
Whitsitt triple-double, Penza kap lidershipin duke mposhtur Vëllaznimin
20 November, 2021 @17:00
Skuadra e Penzës ka marrë kreun e Ligës së Femrave në basketboll sot, pasi që ka mposhtur si mysafire ekipin e Vëllaznimit me rezultat të thellë 55-109 [19-33, 13-20, 6-24, 17-32].
Lojë bindëse në secilin çerek për vajzat e drejtuara nga Bujar Loci, ndërsa triple-double ka bërë Rael Whitsitt duke shënuar 29 pikë, 29 kërcime e 10 asitime!
Kapitenja e ekipit pejan, Valbona Bytyqi, shënoi 27 pikë tjera, bashkë me dy asistime.
Në anën tjetër, te gjakovaret u dalluan Kendra Williams me 16 pikë e 10 kërcime si dhe Rina Hoda me 14 pikë e gjashtë asistime.
Me këtë fitore Penza merr kreun përkohësisht duke pritur rezultatin e Prishtinës që s’ka humbje. Penza aktualisht është në bilans 6-1 ndërsa Vëllaznimi 2-5.
