FIBA EUROPE CUP 22/23
Ylli e mbyll me humbje aventurën në FIBA Europe Cup
30 November, 2022 @23:48
Ylli ka pësuar për të pestën herë në Grupin A të FIBA Europe Cup, duke u mposhtur nga ekipi i Brose Bamberg në Sezai Surroi të Prizrenit sonte, për të mbyllur kështu aventurën debutuese evropiane me bilanc 1-5 në fazën grupore!
Ylli u ndalë në 60 pikë sonte nga ekipi gjerman, ndërsa ndeshja përfundoi me 60-76 [16-23, 16-20, 19-14, 9-19] në të mirë të Bambergut, ku u dallua Patrick Miller me 21 pikë të shënuara e 4 asistime, ndërsa me 12 sosh kontribuoi Spencer Reaves.
Te suharekasit më efikasi sonte ka qenë Rashun Davis me 15 pikë të shënuara, ndërsa lojtari tjetër i vetëm që ka shënuar pikë dyshifrore ka qenë Jay Threatt që dha 13 pikë.
Me këtë, Ylli mbylli Grupin A në pozitë të fundit me bilanc 1-5, ndërsa Brose Bamberg kualifikohet tutje me bilanc 4-2.
TABELA E GRUPIT A:
Niners Chemnitz | 4-2 | ||
Brose Bamberg | 4-2 | ||
Hapoel Elion | 3-3 | ||
GoldenEagle Ylli | 1-5 |